Os bombeiros de Vigo tiveron que liberar un condutor que envorcou co seu coche a primeira hora desta tarde na autoestrada AP-9.

O home foi trasladado ao hospital Álvaro Cunqueiro polo 061. Están por determinar as causas do sinistro, que aconteceu a poucos metros do primeiro dos dous túneles da Madroa, en sentido a Baiona. Por mor do accidente, quedou cortado un dos carrís da autoestrada, polo que se formaron retencións quilométricas. Arestora, a circulación xa está restablecida.