O peixe é un alimento de primeira necesidade e o seu consumo moitas veces vai ligado ao seu prezo. Dende a Cooperativa de Armadores de Vigo levan tempo pedindo un IVE superreducido para o peixe do 4%.

Consideran que esta reivindicación é máis necesaria ca nunca tras a pandemia. Nalgúns países, o IVE é do cero por cento precisamente para chegar a máis fogares. Os armadores falan incluso de investimento en saúde.

A pesca foi un sector esencial durante a pandemia. Piden que o seu traballo sexa agora recoñecido con esa baixada do IVE, para seguir estando nos mercados e nas cestas da compra de moita máis xente.