As negociacións para os presupostos xerais do Estado de 2021 centraron a tensa sesión de control celebrada no Congreso dos Deputados.

O presidente do Goberno, Pedro Sánchez, acusou o Partido Popular de practicar "a política do trumpismo", ao buscar "a polarización para tentar voar todas as pontes e que non haxa diálogo e a necesaria unidade que necesita o noso país".

Sánchez respostaba así aos reproches do líder dos populares, Pablo Casado, que o acusou de "mentirlle a todo o mundo, tamén ás vítimas" porque, tras dicir que "xamais pactaría" con Bildu, a formación vasca "fíxoo presidente, deulle o Goberno de Navarra e agora dálle os presupostos... eses pactos vanlle perseguir toda a vida", espetoulle. 

Casado lembrou o asasinato de Alberto Jiménez Becerril e da súa muller a mans da ETA hai 22 anos. Fíxoo aludindo á irmá do falecido, deputada do PP.

O presidente retrucoulle que "o Goberno que derrotou a ETA foi un goberno socialista; o Goberno que cualificou a ETA como un movemento vasco de liberación foi un goberno do Partido Popular; o goberno que recortou a dependencia, a sanidade, a educación foi un goberno do Partido Popular e o goberno que vai aumentar a educación, a sanidade e a dependencia neste país é un goberno progresista que é o que actualmente está liderando o país".

En Ciudadanos seguen abertos a negociar se o Goberno exclúe a Bildu e Esquerra do acordo.

O vicepresidente do Executivo e líder de Podemos, Pablo Iglesias, Iglesias defendeu os pactos coa esquerda para salvar os orzamentos.