Ademáis de Ourense, Cambados e Ortigueira foron os últimos en incorporarse á lista. A maioría está na provincia de Pontevedra. Son Poio, Marín, Vilagarcía e Vilanova de Arousa, Sanxenxo, Meis e Pontevedra. Complétana Santiago e o do Milladoiro en Ames, A Coruña, con Verín e O Barco de Valdeorras en Ourense e mais con Lugo capital.

As rúas de Ortigueira están máis silenciosas estes días. Xa antes de que entrasen en vigor as novas restricións a vila movíase a un ritmo vagaroso.

Están prohibidas as reunións de máis de dez persoas e os negocios deben reducir a ocupación dos seus locais ao cincuenta por cento. As barras dos bares quedan fóra de servizo. Na hostalería, as medidas aplícanse con rigor e resignación. O mal tempo non lles permite sacar proveito das terrazas, que poden funcionar ao setenta e cinco por cento. Os veciños asumen as medidas como necesarias. 

A través da web municipal, o alcalde insiste na necesidade de cumprir as normas e cualifica a situación de grave e precupante.