Aqueles inicios dos anos 90 co pazo de Riazor a rebentar, co Liceo campión de Europa e con aquelas xeiras de dez vitorias seguidas no comezo da liga que acaba de superar este Liceo de Juan Copa. Un récord: 11 xornadas, 11 vitorias.

Chegaba o Palafrugell á Coruña. Carlos Carballeira abriu o marcador. Caco empatou aos poucos para o equipo catalán, mais quedou nun susto. Logo foron aparecendo os goles de Maxi Oruste, Jordi Adroher, outro de Oruste e un de Platero. Cinco.

Outra vitoria máis na liga que mantén a este Liceo líder invicto da clasificación con cinco puntos de vantaxe sobre o Barcelona e coa sensación de que esta liga 2020-21 pinta verde e branca.