CRTVG

Buscar

O xuíz que excarcerou a Lula da Silva acepta ser ministro de Xustiza de Bolsonaro

Publicado o 02/11/2018 09:10

O xuíz que excarcerou a Lula Inácio da Silva por corrupción acepta ser ministro de Xustiza do Brasil. O maxistrado Sergio Moro aceptou a proposta do presidente electo do país, o ultradereitista Jair Bolsonaro. Asumirá as súas funcións o vindeiro 1 de xaneiro. Bolsonaro dixo que o xuíz terá carta branca para combater a corrupción e o crime organizado.

Jair Bolsonaro tamén confirmou a súa intención de trasladar a Xerusalén a sede da embaixada do seu país en Israel.

Nun chío publicado no seu perfil de Twitter, Bolsonaro di que Israel é un Estado soberano e terá todo o respecto do seu Goberno.

O presidente electo brasileiro segue os pasos de Donald Trump, que anunciou en decembro de 2017 o traslado da embaixada do seu país a Xerusalén, cidade que recoñeceu como capital de Israel.
Guatemala decidiu o mesmo pouco despois.




 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

02/11/2018