O xuíz da Audiencia Nacional Manuel García Castelló acordou imputar o presidente de Repsol, Antoni Brufau, e o expresidente de CaixaBank Isidro Fainé na causa que investiga a presunta espionaxe ao  expresidente de Sacyr Luís del Rivero, encargada ao excomisario José Villarejo.

Segundo adiantou este xoves El Confidencial, o titular do Xulgado Central de Instrución número 6 atende a petición da Fiscalía Anticorrupción, que o pasado venres solicitou a imputación de ambos os dous ao apreciar indicios dunha "confluencia de intereses" e dunha "actuación conxunta".

Esta peza separada do caso sobre os negocios de Villarejo trata de esclarecer se Repsol e CaixaBank acudiron ao excomisario para desartellar "unha estratexia de sindicación" do daquela presidente de Sacyr. O obxectivo sería "asociarse con Petróleos Mexicanos (Pemex)" para conseguir "case un terzo" das accións de Repsol e acceder ao seu control.