O Tribunal Supremo confirmou a condena de 16 anos de cárcere imposta a cada un dos dous acusados polo asasinato dun rapaz de 22 anos ocorrido en decembro de 2014 no Carballiño. Co seu ditame, o Supremo desestima integramente o recurso presentado polos procesados contra a sentenza do Tribunal Superior de Xustiza de Galicia que, a súa vez, ratificou a condena dun tribunal do xurado da Audiencia Provincial de Ourense. Ademais, os acusados deberán indemnizar con 106.000 euros a nai da vítima.