O executivo canario presentará un recurso ante o Tribunal Supremo despois de que o Tribunal Superior das Canarias tombase as medidas decretadas no Boletín Oficial das Canarias.

A Sala do Contencioso do Tribunal Superior de Xustiza das Canarias anunciou este domingo que "non procede a ratificación da limitación de entrada e saída de persoas nin a limitación da liberdade de circulación das persoas en horario nocturno nas illas que están nos niveis de alerta 3 e 4". Así,  despois dunha axustada votación, con dous votos particulares entre os cinco maxistrados, o peche perimetral e o toque de recollida conclúen para todas as Canarias este domingo.

Agora será a quenda do executivo autonómico, que posiblemente recorrerá en casación ao Tribunal Supremo contra a decisión.

Os maxistrados canarios só autorizan limitar o número de persoas non conviventes en encontros familiares e sociais en espazos públicos e privados.

A sala non ratifica o peche perimetral de illas en niveis 3 e 4 de alerta pola pandemia, pero a día de hoxe todas están en niveis 1 e 2.