Profesionais do transporte ameazan cunha folga se o proxecto de poñer peaxes nas autovías segue adiante. A proposta entra con forza no debate político. O presidente do PP, Pablo Casado, acaba de reunirse con representantes do sector para amosarlles o seu apoio.

Este xoves, un cidadán entregaba no Ministerio de Transportes 220.000 sinaturas contra a iniciativa. Ademais, o próximo 13 de xuño haberá protestas de motoristas en vinte cidades españolas.

A medida de pagar polo uso das autovías a partir do 2024 está incluída no documento que o Goberno remitiu a Bruxelas para solicitar os Fondos de Recuperación. 

 Nas últimas horas, o ministro de Fomento aseguraba que sairá adiante sempre que conte co apoio no Congreso dos Deputados..