O maxistrado do Tribunal Supremo Antonio del Moral procesou o secretario de Organización de Podemos e deputado Alberto Rodríguez, por dar presuntamente unha patada a un policía nunha manifestación en 2014 na Laguna (Santa Cruz de Tenerife), o que lle sitúa ás portas do xuízo oral.

O xuíz ditou un auto no que ordena proseguir a causa contra Rodríguez por presunto delito de atentado e falta (ou delito leve) de lesións, polos trámites do procedemento abreviado (equivalente a procesamento) polo que dá un prazo de dez días á Fiscalía para que solicite a apertura de xuízo, formulando escrito de acusación, o sobresemento ou novas dilixencias.