O Sergas fixo hoxe un chamamento para que nestes momentos só actualicen os seus datos de contacto con vistas á vacinación as persoas maiores de 80 anos.

O número habilitado para facelo, o 981 569 540, recibiu nas últimas horas máis de 100.000 chamadas, o que impediu o seu bo funcionamento. Sanidade aclara que os docentes, membros dos corpos de seguridade e demais colectivos que tamén se están a vacinar a día de hoxe non precisan, e de feito non deben, usar esta vía.

Ademais, os maiores de 80 anos han recibir unha mensaxe individual nos seus teléfonos móbiles para facer esta mesma comprobación de datos.