O Parlamento de Bolivia xa ten os proxectos para axilizar a convocatoria de eleccións. O Senado aprobou o primeiro trámite, o marco normativo, pero que non fixa a data dos comicios. O proxecto saíu adiante cos votos do Movemento ao Socialismo de Evo Morales e dos partidarios da presidenta interina, Jeanine Áñez.

Este acordo non garante que a Cámara de Deputados decida na mesma dirección, polo que Jeanine Áñez xa advertiu de que, se non hai consenso, convocará eleccións por decreto.