Éxito do ensaio para a reapertura do ocio nocturno que se celebrou esta fin de semana en varios locais de Galicia. Había tantas ganas de volver a gozar da noite que os 1.300 galegos que tiveron a oportunidade de bailar e tomar unha copa de novo cumpriron escrupulosamente as normas.

Daniel Lorenzo, propietario pub La Pomada, di que "unha vez dentro, todo o mundo estaba coa máscara e só a quitaban para beber".

Os participantes, o sector e a Xunta coinciden en cualificar de éxito o ensaio para a reapertura. 

Alfonso Rueda, vicepresidente primeiro da Xunta, afirma que "foi un éxito". "Agora queda avaliar os resultados, porque para iso se fan as probas piloto", engade. 

A data prevista para que o ocio nocturno volva a funcionar é o 1 de xullo.