O certo é que o sector da construción vive un momento agridoce, aseguran desde o sector. Vai ser un dos grandes beneficiados pola chegada dos fondos europeos, pero ao mesmo tempo viven lastrados polos problemas das materias primas: chegan tarde e son máis caras.

Bastan uns exemplos para coñecer o encarecemento dos prezos: a madeira, un 125 %, o asfalto un 56. A suba media é do 22 por cento. Entre a alza dos prezos e o atraso case a metade das empresas se viu obrigada a paralizar algunha obra ou cancelar algún contrato. Piden, entre outras cousas, ampliar os prazos de execución e esperar a que a situación global mellore para reducir os custos.