CRTVG

Buscar

Ribadeo indiano homenaxea este ano a Cuba

Publicado o 13/07/2019 21:39

Case todo Ribadeo está na rúa celebrando unha fin de semana de homenaxe a aquelas mulleres e homes que, haberá un século, marcharon facer as américas. Eran os indianos, aqueles emigrantes que deixaban aquí o corazón e que volvían sempre que podían, modificando así estruturalmente a sociedade, a cultura e a economía de moitos lugares de Galicia

Traxes e vestidos brancos, puchos de palla e tocados enchen as rúas do Ribadeo indiano, unha festa homenaxe a todos os que emigraron a principios do século vinte e que contribuíron ao desenvolvemento da vila económica, social e culturalmente. Na súa honrra, ribadenses e visitantes remedan os seus usos e vestidos.

O ano pasado participaron 50.000 persoas, cunha estimación de consumo de 3 millóns de euros. Este ano, con todos os aloxamentos turísticos completos, crese que está habendo máis xente.

Trátase dunha festa na que se conseguiu que practicamente participe todo o pobo, dende os máis noviños ata os maiores.

Este ano a festa adícase a Cuba, un dos destinos máis frecuentados polos indianos. Habaneiras pola rúa, exposicións, coloquios e a actuación mañá de Compay Segundo reforzan o sabor cubano do Ribadeo indiano

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

13/07/2019