O Reino Unido informou este mércores de 1.564 novas mortes por coronavirus, a máxima cifra diaria desde que comezou a pandemia. Nas últimas 24 horas detectáronse 47.425 contaxios de covid-19 no país, uns 2.000 máis que onte, pero por baixo da marca de 68.053 infeccións que se comunicaron o pasado 8 de xaneiro.  

En total 84.767 persoas morreron ata agora no Reino Unido polo coronavirus, segundo as cifras oficiais do Goberno británico, que só inclúen aqueles enfermos que faleceron nun período de 28 días tras dar positivo nun test.