O radar situado na AC-11 á altura de Palavea, na Coruña, é o que máis infracións detectou en 2020 en Galicia. Superou ás 19.000. Ocupa o posto 16 na lista dos dispositivos con máis multas de España. Os que pasan con frecuencia por alí explican cales poden ser as razóns: a súa localidación e o volume de tráfico.

O número de multas do ano pasado duplicou o do anterior. E iso que houbo un período longo coa mobilidade limitada pola pandemia. Algúns usuarios non se sorprenden ao coñecer a noticia de que o radar é líder de multas en Galicia e moitos entenden estas sancións.

Entre os 50 radares con máis múltas de España, hai outros catro en Galicia. Un na A-8, en Mondoñedo, outros na A-55, en Vigo e en Mos e outro máis na A-52 preto das Neves.