O Goberno de Pedro Sánchez ten previsto solicitar unha nova prorrogación do estado de alarma o próximo mércores no Congreso dos deputados e para lograla pactan a abstención de Esquerra Republicana, que votou en contra da quinta prórroga.

Nesta ocasión, o presidente do Goberno comprométese a que sexa a última prolongación do estado de alarma e a xestionar a desescalada conxuntamente coa Generalitat. A comisión permanente de ERC aprobou esta tarde o acordo.

O PNV anunciou a primeira hora da noite o seu apoio á prórroga tras chegar a un acordo co Goberno para que os presidentes autonómicos sexan os que xestionen as medidas a adoptar na fase 3 da desescalada, agás os desprazamentos fóra das súas comunidades.