Cando parecía que o acordo entre o PSOE e Esquerra Republicana estaba máis cerca todo volveu complicarse por unhas declaracións de José Luis Ábalos. O secretario de Organización do PSOE, e membro do equipo negociador, afirmaba nunha entrevista que o pacto está case listo, e que Esquerra renuncia á vía unilateral.

 José Luis Ábalos, PSOE: "Si, eu estou convencido de que si. Estamos intercambiando papeis para concluír no acordo final".

Desde Esquerra, desménteno. 

Marta Vilalta, ERC: "Esquerra nunca renunciará a ningunha vía democrática para conseguir a república catalá".

E advírtenlle ao PSOE que están complicando as posibilidades de chegar a un acordo para investidura. 

Marta Vilalta, ERC: "O que están conseguindo a través da chantaxe e da presión pública é afastar cada vez máis ese acordo".

Así e todo, desde o PSOE manteñen que se pode facer a investidura antes de que acabe 2019, e alentan a opción de que a votación poida ser o día 30 de decembro.