O secretario xeral dos socialistas galegos defendeu este sábado na reunión do Comité Nacional do partido o acordo entre o PSOE e Unidas Podemos. 

Gonzalo Caballero asegurou que non hai outra alternativa. Di que ou "gobernan eles ou hai terceiras eleccións". 

Advertiu que veñen "unhas semanas de dificultades", xa que "o bloque das dereitas", dixo, "vai tensionar o escenario político". O líder do PSdeG asegurou que os socialistas "están en condicións de dar un bo goberno a España" e acusou o PP de "perder a centralidade política" e de "xogar á confusión".