Unha economía máis verde e máis sostible é o obxectivo do proxecto Tanza, en que participan as consellerías do Mar e de Política Social, así como grupos de acción local do sector pesqueiro.

Hoxe presentouse unha nova iniciativa dentro deste programa, para pór en valor os residuos plásticos recollidos polas confrarías para aproveitar os materiais e transformalos en pezas novas recicladas en centros de persoas con discapacidade.