CRTVG

Buscar

A lotaría do Neno deixa en Rianxo 2 millóns de euros do primeiro premio

Publicado o 06/01/2020 14:43

• En Nigrán vendéronse dous décimos do segundo premio

A lotaría do Neno lémbrase de Galicia e deixa dous millóns en Rianxo, en concreto na parroquia de Taragoña, onde os afortunados xa os están celebrando o primeiro premio. De festa tamén están en Nigrán, onde se venderon dous décimos do segundo premio.

57342. Dous millóns de euros por serie. O premio gordo da Lotaría do Neno deste ano estivo moi repartido. Foi vendido en Taragoña, Rianxo, e noutras 17 administracións máis. Entre elas, Albacete, Barcelona, San Sebastián, Madrid, Toledo ou Valencia.

En Taragoña, venderon unha serie enteira do número: 2 millóns de euros. A alegría en Rianxo recorda á de 2003, cando o sorteo de Nadal deixara 120 millóns.

O segundo premio foi o 21816. 750.000 euros á serie. Nigrán recibiu un belisco: 150.000 euros que foron vendidos no bar París en dous décimos soltos. O segundo tamén esparexeu a sorte a través de 36 administracións.

O terceiro premio foi o 26706. Foi vendido íntegramente en Valencia e Valladolid.
Os tres reintegros especiais, con 20 euros o décimo, foron o 0, o 2 e o 7.

A novidade do sorteo deste ano é que o mínimo exento de tributación duplicouse e chega aos 40.000 euros.

O primeiro premio foi vendido en Quintanar da Orde e Vila de Don Fabrique, ambas en Toledo; Mollet do Vallés, Vilanova do Camí e Pineda do Mar, as tres en Barcelona; Albacete, Rianxo (A Coruña), Veguellina de Órbigo (León), Madrid, Torrejón de Ardoz (Madrid), Lorca (Murcia), Tarancón (Cuenca), San Sebastián (Guipúzcoa) e Santander.

Este primeiro premio, moi repartido, consignouse tamén nas localidades valencianas de Simat da Valldigna e Manises, As Palmas de Gran Canaria e Lleida, segundo Loterías e Apostas do Estado.

O segundo premio foi vendido en Girona, Adra (Almería), Melilla, Calzada de Calatrava (Cidade Real), Telde (As Palmas), Lleida, Aldaia (Valencia), Pamplona e Tudela, en Navarra; Llagostera (Girona), Nigrán (Pontevedra), Benidorm e San Miguel de Salinas e San Juan, as tres en Alacante.

O terceiro premio vendeuse en Torrent (Valencia) e Valladolid.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

06/01/2020

Máis sobre Concellos