Non só a factura da luz está en máximos históricos. Os españois afrontan a chegada das vacacións de verán cos prezos da gasolina e do gasóleo disparados. É a maior suba dos últimos sete anos.

Logo da baixada durante o confinamento, os prezos experimentaron un incremento constante durante os últimos meses que ten como resultado a suba máis alta desde 2014. Desde principios deste ano o cru encareceuse un 32 por cento.

Encher un depósito de 50 litros con gasolina custa hoxe case oito euros máis que no mes de xaneiro e no caso do diésel sete euros máis. A suba do CO2 e do petróleo son algúns dos motivos que están detrás desta alza de prezos.