O presidente do BBVA Carlos Torres Vila considera necesarios os despedimentos, uns tres mil, que ten previsto levar a cabo a entidade financeira en España. Na asemblea de accionistas que aprobou o reparto de dividendos e de bonus dixo que teñen vontade de lograr o mellor acordo no proceso de negociación en marcha.

Carlos Torres Vila, presidente de BBVA: "Este proceso, por tanto, é necesario para garantir a viabilidade futura da entidade. E quero dicirlles que no BBVA o tratamos coa vontade de chegar ao mellor acordo posible para todos".