Ata despois das eleccións non se volverá reunir o Parlamento de Galicia. Así o decidiu a Deputación Permanente. Nela, os grupos da oposición solicitaban un pleno para falar de dous asuntos: as dificultades laborais da empresa Noa Madera e a situación da CRTVG, á que acusaron de manipulación informativa.

Segundo a oposición, o Goberno ten amordazado o Parlamento desque se convocaron eleccións. O Partido Popular lembrou que a Cámara está disolta e que estamos en período electoral.