O Porto de Vilagarcía pechou o 2019 coas mellores cifras da súa historia. Con 1,3 millóns de toneladas movidas, logrou incrementar o seu tráfico en case un 9% con relación ao ano anterior. 

Nunca tanta mercadoría se moveu no Porto de Vilagarcía. En 2019 por aquí entrou máis aceiro e saíu máis taboleiro, pero, sobre todo, movéronse máis contedores ca nunca. Os da empresa Boluda, que xa solicitou ampliar terreos neste peirao conectado por tren con Madrid.

O movemento de grans líquidos encabézao a terminal de Aceites Abril, que bateu marcas en 2019. Nos sólidos houbo un notable aumento no tráfico de cereais.

Queren captar novos tráficos, pero sen perder o trato personalizado do que presumen. A clave, din, para ser a porta do mar e a terra de cada vez máis mercadorías.