CRTVG

Buscar

O porco celta, o protagonista das xornadas gastronómicas de Vilalba

Publicado o 22/02/2019 21:32

O porco celta é o protagonista das xornadas gastronómicas que se celebran estes días en Vilalba. Un mozo gandeiro puxo a súa explotación ao servizo dos hostaleiros da vila para que experimenten as posibilidades que ofrece a carne dos cochos, que son moitas. Aínda que Vilalba é terra de capón, o rapaz cre que hai oco tamén para o porco celta. Ata o domingo pódense degustar os pratos en 17 locais vilalbeses.

Socorro amósanos a tapa que preparou para as xornadas gastronómicas do porco celta que se celebran estes días en Vilalba. Chamoulle porco celta cultural e está feita, ademais de con cocho, con produtos de Vilalba como o queixo San Simón e as patacas e tomates da horta vilalbesa. Dezasete establecementos hostaleiros participan nestas xornadas e todos sinalan as posibilidades culinarias do porco celta.

É unha carne moi boa para cociñar, cunha graxa especial que ten un sabor moi diferenciada.

A carne que se usa nas xornadas saiu desta explotación das aforas de vila. Saul Rouco cría aquí 80 porcos celtas, entre eles, o xa famoso semental Cesáreo. O rapaz sabe que Vilalba é terra de capón pero asegura que a forma en que son criados os seus cochos garante unha carne de primeira calidade e mesmo saudable. As carballeiras e os soutos garanten a mellor alimentación para os animais.

Estes cochos están en liberdade e por eso a súa carne ten unha infiltración que a fai diferente.

As xornadas vanse celebrar ata o domingo pola noite. Os expertos din que a carne de porco celta é unha importante fonte de ferro para o noso organismo.







 

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

22/02/2019