Iberia cifra o seguimento da folga en preto dun quince por cento, moi lonxe do oitenta por cento do que informa o sindicato UXT.

O tempo axudou a interromper a operativa do aeroporto do Prat. A resaca da treboada do sábado en Barcelona e a folga do persoal de terra de Iberia toda a fin de semana provocaron atrasos de ata nove horas e obrigaron a cancelar arredor de 150 voos, máis de 80 este domingo. Os máis afectados foron os pasaxeiros de Vueling e Iberia, pero tamén houbo oito voos anulados de British Airways.

As conexións da compañía Vueling con Santiago e A Coruña previstas para a fin de semana, dende e cara ao aeroporto do Prat, foron canceladas tamén.

O persoal de terra de Iberia decide hoxe en asemblea se segue cos paros.