Os traballadores de Alcoa pídenlle ao Goberno central que tramite con urxencia o estatuto das empresas electrointensivas.

Cren que é o paso fundamental para atopar un comprador para as plantas da Coruña e de Avilés. Polo momento, non transcendeu ningunha proposta concreta, só que hai empresas e fondos de investimento interesados.

O comité da Coruña prepara unha mobilización en Madrid para finais deste mes, unha convocatoria aberta aos traballadores de todo o sector industrial.