A autopsia confirmou que o corpo localizado nas Cíes, o martes pasado, corresponde a Jorge Emilio Martín, o patrón do Marsua J. O barco afundiuse o pasado 24 de febreiro.

Foi un pesqueiro de Moaña o que localizou o cadáver do mariñeiro de 53 anos, moi preto da zona onde apareceron restos da embarcación e o corpo do outro tripulante.

Nas últimas horas velárono no tanatorio de Sabarís e para esta tarde está previsto o funeral en Panxón.