O Obradoiro prepara o encontro ante Baskonia deste domingo, último día do contrato temporal que asinou o base Albert Oliver para cubrir a baixa do turco Kartal Ozmizrak, quen se lesionou na pretemporada. Oliver agardará as novas sobre o seu futuro ata o mesmo domingo

Albert Oliver, Monbus Obradoiro: "Hai moitas cousas, está o tema da pandemia, como está Kartal, como se está recuperando, hai moitos temas e esperaremos ata domingo a ver que pasa".

O catalán está contento en Santiago e satisfeito coa súa evolución desde que chegou.

Albert Oliver, Monbus Obradoiro: "Moi a gusto desde o primeiro día e si que me vexo mellor cada día, fun de menos a máis. Era obvio porque levaba meses sen competir, sen adestrarse no día a día. Si que ao principio me custou moito por un tema físico, pero agora cada vez mellor e contento de axudar o equipo".

E a axuda de cada xogador precisará o Obradoiro o domingo ante un dos galos da categoría

Albert Oliver, Monbus Obradoiro: "É un equipo moi duro, sobre todo os equipos de Ivanovic son moi físicos. Se non sabes asumir o físico non podes competir, se estamos asumindo o físico e facendo as cousas ben temos opcións de gañar o partido".

A baixa de Mike Daum poderían sumarse as de Enoch e Birutis, que son dúbida por ambas torceduras nos nocellos no adestramento do mércores. Sen determinar aínda o alcalce das súas lesións, se se confirman, poñerían en apuros o xogo interior dos de Moncho Fernández.