O Monbus Obradoiro abre este sábado a cuarta xornada na Liga ACB, ás seis da tarde, no pavillón do Sar, contra o Fuenlabrada. Non será ao completo, pero o Multiúsos si poderá ter a ocupación do 80 por cento. Un efecto público co que ata agora non contaba o cadro santiagués e que fará falta para anular a calidade do equipo fuenlabreño, táctico e intenso tanto en defensa como en ataque, e que vén de conseguir a primeria vitoria contra o Andorra.