España sumou este luns 59 mortes con COVID-19, a cifra máis baixa de falecementos desde o 16 de marzo, cando se notificaron apenas 22, segundo os últimos datos publicados polo Ministerio de Sanidade.

O número de persoas falecidas polo coronavirus ascende a 27.709 desde o inicio da pandemia. Ademais, o número de positivos confirmados por PCR tamén continúa caendo, con 285 novos casos, fronte aos 421 de onte. Isto supón o menor dato desde o 11 de maio (373), situándose en niveis anteriores á explosión da pandemia en España, fixada o oito de marzo.

En total, 231.606 persoas pasaron a enfermidade, segundo as cifras oficiais. Os datos tamén mostran que nas últimas 24 horas producíronse 172 hospitalizacións (125.233 desde o inicio da pandemia) e 15 novos ingresos en unidades de coidados intensivos (11.437 desde os primeiros momentos da COVID-19 en España).

Sanidade non informou este luns do número de persoas curadas.

Positivos por autonomías: 

Andalucía 8

Aragón 25

Asturias 3

Baleares 2

Canarias 5

Cantabria 3

Castela-A Mancha 30

Castela e León 42

Cataluña 85

Comunidade Valenciana 21

Estremadura 1

Galicia 5

Madrid 5

Murcia 5

Navarra 30

País Vasco 15

A Rioxa, Ceuta e Melilla son as únicas autonomías sen novos casos.

Falecidos por autonomías:

Asturias 2

Canarias 2

Castela-A Mancha 5

Castela e León 7

Cataluña 12

Comunidade Valenciana 4

Galicia 1

Madrid 16

Murcia 1

País Vasco 7

A Rioxa 2

Os 15 ingresos en UCI localízanse en Andalucía (1), Aragón (1), Castela e León (1), Comunidade Valenciana (2) e Madrid (10).

En canto aos 172 casos que precisaron de hospitalización, catro localízanse en Andalucía, catro en Aragón, 17 en Asturias, tres nas Canarias, dous en Cantabria, 12 en Castela-A Mancha, 27 en Castela e León, 21 en Cataluña, 15 en Comunidade Valenciana, oito en Galicia, 56 en Madrid, dous en Murcia e un no País Vasco.

A transmisión do coronavirus en moi baixa en moitos territorios, segundo Simón

Desde o 8 de marzo non se diagnosticaban tan poucos novos infectados por coronavirus en España, 285 nas últimas vintecatro horas. E a cifra diaria de falecidos cae a 59, a máis baixa en dous meses.

"Temos que ver o famoso efecto fin de semana, que deixaremos de velo mañá, para ver o que sucece, pero o certo é que a evolución é moi boa" asegura Fernando Simón, o director do Centro de Coordinación de Alertas e Emerxencias Sanitarias 

O novo sistema de vixilancia confirma a caída da letalidade. Pasou do 11% na segunda quincena de marzo ao 2% hai dúas semanas. E o tempo entre o inicio de síntomas e o diagnóstico reduciuse a catro días cando ata agora tardaba entre unha semana e 17 días.

"Se detectamos máis e seguimos tendo número moi baixos podemos xa, agora si, ter certa certeza de que o virus, aínda que xa o sospeitabamos, temos seguridade de que a transmisión agora mesmo é moi baixa en moitos territorios", dixo o doutor Simón.


Nas últimas vinte e catro horas houbo 172 novas hospitalizacións, a maioría en Madrid, Castela e León e Cataluña. Quince persoas máis precisaron UCI, dez delas na comunidade madrileña.