Marrocos ten novo Goberno, co multimillonario Aziz Ajanuch de xefe. O executivo designado polo rei Mohamed VI intégrano 24 departamentos, dos que 7, entre eles o de Economía, teñen á súa fronte mulleres. Nos ministerios de soberanía, os que dependen directamente do rei: Exteriores, Interior, Asuntos Relixiosos e Defensa seguen os mesmos titulares.

Os de maior peso económico osténtanos membros do Reagrupamento Nacional Independente, o RNI de Ajanuch, un dos tres partidos que integran o executivo. O RNI desbancou os islamistas, que nas eleccións de hai un mes perderon o poder tras dez anos no goberno marroquí.