Un bo plan para os festivos da Semana Santa é achegarse ao mosteiro de Oia. Este venres reabriu as súas portas e poderá visitarse a partir do Xoves Santo previa reserva na web. Esta xoia do século XII, declarada Ben de Interese Cultural en 1931, está a ser rehabilitada. Hoxe haberá xornada de portas abertas para os veciños de Oia e o sábado que vén está previsto que se conmemore cun evento a famosa batalla pirata de 1624.