O Ministerio de Transición Ecolóxica vai convocar a dirección de Endesa para poñer en marcha unha mesa de traballo en que se aborde o futuro da central térmica das Pontes, que leva máis de catro meses parada. Será a final deste mes, pero aínda non hai data.

É o resultado da reunión deste martes no ministerio con alcaldes dos concellos da comarca e cos voceiros dos transportistas do carbón, os principais afectados pola paralización da actividade.