Día sen sobresaltos na Selección. Mércores de PCRs negativas despois do segundo positivo coñecido case de madrugada do central Diego Llorente. Seguen adestrándose en dúas burbullas e ó continxente de reforzo, co galego Brais Méndez, uníronse varios xogadores da Sub21 e xa son dezasete.

Todos recibirán a vacuna Pfizer. O Ministerio de Sanidade tomou a decisión a cinco días do debut de España."Actuamos da maneira máis rápida posiblee co mesmo criterio ético que cos nosos olímpicos e olímpicas", confirmou a ministra Carolina Darias. 

As comunidades autónomas non participaron na decisión aínda que houbo opinóns ó respecto."Non me parece que vaia ter moita efectividade. Debería terse feito con anterioridade e non de maneira improvisada.Non hai discriminación é unha cuestión de saúde pública dentro da Unión Europea.", dixo o presidente da Xunta, Alberto Núñez Feijóo.

A Uefa non esixe a vacina para disputar a Eurocopa. Non así a Conmebol para Copa América, que empeza o domingo. É obrigatoria, facilitada pola propia organización e tamén atopou opinións contrarias, como a do seleccionador do Ecuador "Teño amigos mortos por non ter acceso á vacina. Non debería haber privilexios por unha cuestión de xeografía ou latitude. É unha pandemia mundial e a preocupación pola vacinación tamén ten que ser mundial", asegura Gustavo Alfaro, seleccionador do Ecuador.

Neste caso o fútbol visibiliza as distinas realidades da pandemia.