O Lugo vai afrontar seis finais para tentar salvar a temporada. A estas alturas, calquera axuda é ben recibida, e hoxe os xogadores tiveron o apoio dun afeccionado: un seareiro que, a golpe de megáfono, alentou o equipo en representación, dixo, da afección lucense. Os xogadores prestáronlle atención. Transmitiulles apoio, confianza e, sobre todo, tranquilidade para afrontar a recta final da temporada.