E na OK liga, segue a marcha triunfal do Deportivo Liceo. O equipo coruñés leva nove vitorias en nove partidos e é o líder destacado, con cinco puntos de vantaxe sobre o Barça.

Os de Juan Copa gañaron onte na pista do Noia por un claro un a catro. Dava Torres fixo os dous primeiros goles na primeira metade. Na segunda, e logo dun tanto do local Adriá Ballart, o Liceo non se deixou sorprender e volveu aumentar a diferenza cos goles de Jordi Adroher e do arxentino Franco Platero. O líder non afrouxa.