Hai tres días gañaban no Palau e hoxe tocou esmerarse nun terreo de xogo... diferente. O equipo do Liceo recolleu pimentos en Herbón.

En plena faena, Benedetto ou mesmo Jordi Adroher recoñecen que co stick están máis soltos.

O Liceo séntese cómodo nese rol de pimento verde, un rival que pica, un rival que marca a diferenza. Dos 16 equipos que compoñen a OK Liga, os outros 15 son de Cataluña.

Pola mañá tocou apañar pimentos e pola tarde hai que adestrar. Así é este xoves para o Liceo, o líder pimenteiro da OK Liga.