Cita esta noite para o incontestable líder da liga de hóckey sobre patíns. Liceo-Xirona. Coa particularidade de ter a opción de igualar unha xesta en poder dun equipo irrepetible, o equipo de Huelves, Martinazzo, Joan Carles ou Pujalte.

Ese equipo estivo dez partidos gañando de maneira consecutiva. Hai vinte e sete anos. Andrés Caramés era o adestrador e Riazor unha festa cada partido. E esta noite os rapaces que dirixe Xoán Copa poden logralo. Levan nove triunfos en nove xornadas. O Xirona é o sexto clasificado.