Cómodo triunfo do Liceo, que segue a contar todos os seus partidos por vitorias na OK Liga. O Vic foi un xoguete nas mans dos coruñeses (10-2), e iso que se adiantou no marcador. 

O gol en contra foi o revulsivo que precisaba un Liceo durmido nos primeiros instantes. Antes do descanso Platero, Dava Torres, Oruste e Adroher poñían o 4-1.

A segunda metade foi un festival goleador dos liceístas. Marc Grau fixo o quinto xusto antes de que Maxi Oruste collese a remuda con tres goles seguidos. Adroher e o canteirán Pablo Parga puxeron os dez tantos dun equipo que segue imparable.