Co triunfo diante do Xirona (4-1) o Liceo igualou o mellor arranque ligueiro da súa historia con 10 triunfos consecutivos e o vindeiro luns diante do Palafrugell está en disposición de superalo. 

O partido comezou cun gol en contra de Alex Grau. O equipo liceísta tardou en quecer pero cando o fixo volveu amosarse imparable. Antes do descanso remontou con goles de Marc Grau e Jordi Adroher. Xa no segundo tempo sentenciaron Franco Platero e César Carballeira. 

O Liceo é o líder con 5 puntos de vantaxe sobre o Barcelona cando quedan cinco xornadas para o final da primeira volta.