Durísimo o partido que disputou o Liceo contra un Lleida que chegaba como terceiro clasificado a Riazor. O empate sen goles do primeiro tempo falaba do disputado do choque, que se decidiu na segunda metade. 

Maxi Oruste abriu a lata no segundo tempo e Jordi Adroher na súa especialidade (a enésima falta directa) puxo o 2-0. O Lleida pelexou ata o final, e a 20 segundos un exliceísta como Oriol Vives recurtou diferenzas pero xa sen tempo para soñar co empate. 

O Liceo remata a primeira volta como campión de inverno, con 14 vitorias e só un empate. Comezará a segunda volta recibindo o Barcelona na Coruña.