O lago das Pontes de García Rodríguez incorpórase, por primeira vez, ao grupo de praias galegas con bandeira azul. O xurado internacional que outorga este distintivo publicou este martes a listaxe de areais e portos que conseguiron a insignia no 2021.  

Cómpre salientar que o concello de Baiona recupera este ano o selo de calidade en seis praias: Barbeira, Concheira, Frades, Ladeira, Ribeira e Santa Marta. Ademais, volverá ondear o estandarte na Pasada, no municipio de Barreiros.

En total, Galicia suma 122 bandeiras azuis, tres máis ca o ano pasado: 111 en praias e 11 en portos. É a terceira comunidade que conta cun maior número, despois da Comunidade Valenciana e Andalucía. Por provincias, Pontevedra consegue 58, A Coruña 37 e Lugo 20.

Concellos con máis bandeiras

Sanxenxo acada o primeiro posto, a nivel municipal, con 17 areais co distintivo. Son A Lapa, Agra, Areas, Areas Gordas, Baltar, Bascuas, Canelas, Caneliñas, Espiñeiro, Foxos, Major, Montalvo, Nosa Señora da Lanzada, Panadeira, Paxariñas, Pragueira e Silgar.

A continuación sitúase Vigo, con dez praias premiadas: A Punta, Argazada, Canido, Carril, Fontaíña, Fortiñón, O Vao, Rodas (nas illas Cíes), Samil e Tombo do Gato.

Portos distinguidos

Os portos galegos galardoados son:

-Na provincia de Pontevedra: C. C. Portonovo, P. D. Juan Carlos I, R.C.N. Sanxenxo, P. D. Cangas e o Monte Real Club de iates de Baiona.

-Na provincia da Coruña: C. N. Boiro-Marina Cabo de Cruz, C. N. Sada e P. D. Sadamar, R. C. N. A Coruña-Marina Real e R. C. N. Portosin.

-Na Provincia de Lugo: R. C. N. de Ribadeo.

Praias con bandeira azul por concellos

-PROVINCIA DE PONTEVEDRA:

A Guarda: Area Grande, O Muíño.

A Illa de Arousa: Area da Secada, Bao (Camaxe).

Baiona: Barbeira, Concheira, Frades, Ladeira, Ribeira, Santa Marta.

Bueu: Area de Bon, Lagos, Lapamán, Portomaior.

Cangas: Areabrava, Areamilla, Liméns, Melide, Menduiña, Nerga, Rodeira.

Marín: Aguete, Loira, Mogor, Portocelo, Santo de Mar–A Coviña.

Moaña: O Con.

Poio: Cabeceira.

Ponte Caldelas: Praia fluvial A Calzada.

Sanxenxo: A Lapa, Agra, Areas, Areas Gordas, Baltar, Bascuas, Canelas, Caneliñas, Espiñeiro, Foxos, Major, Montalvo, Nosa Señora da Lanzada, Panadeira, Paxariñas, Pragueira, Silgar.

Vigo: A Punta, Argazada, Canido, Carril, Fontaiña, Fortiñón, O Vao, Rodas (Illas Cíes), Samil, Tombo do Gato.

Vilagarcía de Arousa: Campanario, Compostela.

-PROVINCIA DA CORUÑA:

A Coruña: As Lapas, Orzán-Matadero, Oza, Riazor, San Amaro.

A Laracha: Caión.

Arteixo: A Hucha, A Salsa (Repibelo), Barrañán, Combouzas, O Reiro, Sabón, Valcobo.

As Pontes de García Rodríguez: Lago de As Pontes.

Bergondo: Gandarío.

Camariñas: Arou.

Carballo: Pedra do Sal, Razo, Saíñas.

Dumbría: Ézaro.

Ferrol: A Fragata-Pareixal, Doniños, Esmelle, San Xurxo.

Laxe: Laxe.

Miño: Perbes-Andahío.

Oleiros: Bastiagueiro, Espiñeiro, Mera, Naval, Santa Cristina.

Ponteceso: A Ermida, Balarés, O Osmo.

Ribeira: Coroso.

-PROVINCIA DE LUGO:

Barreiros: Acantilado-Remior, Coto, A Pasada.

Burela: A Marosa, O Portelo, Ril.

Cervo: O Torno.

Foz: A Rapadoira, Areoura, As Polas, Llas, Peizás.

O Vicedo: Abrela, Xilloi.

Ribadeo: As Catedrais, Os Castros-Illas.

Viveiro: Area.

Xove: Esteiro.