Non hai indicios de intencionalidade no incendio que calcinou media ducia de naves industriais no polígono lugués do Ceao. Así o indica o informe provisional que a Policía Xudicial entregou no xulgado que instrúe o caso.

Para confirmalo definitivamente hai que agardar aos resultados das análises químicas das mostras recollidas pola Policía Científica na nave de pinturas onde se iniciou o incendio. As probas de laboratorio serán tamén determinantes para determinar cal foi a orixe do lume.