O incendio dun coche provocou problemas de tráfico na saída da A-52 cara ao polígono de Barreiros, Ourense. No interior do turismo viaxaban dúas persoas que conseguiron saír antes de que comezara a arder o vehículo.

Ata o lugar trasladáronse bombeiros de San Cibrao das Viñas e de Barbadás, que evitaron que as lapas se estendesen á masa forestal próxima. O sinistro obrigou a cortar un carril do enlace mentres traballan os equipos de extinción.