En balonmán foi suspendido o Porriño-Rocasa, polos positivos do equipo canario. O que xogou hoxe foi o Guardés. As de Prades defenderon o terceiro posto ante o Zuazo.

Partido disputado e igualado que chegou ao descanso con empate a 12 na Sangriña. As guardesas comezaron mellor a segunda metade e lograron pequenas vantaxes que mantiveron ata o final: 25-23 foi o resultado definitivo.

As guardesas cambian esta fin de semana de escenario. O domingo xogarán en Ucraína contra o Galychanka o partido de ida dos cuartos de final da copa EHF.