Non houbo sorpesa ante a decisión do comité clínico, pero este novo peche non por esperado era menos temido.

"Isto é inasumible, os gastos acumúlanse e non se pode abrir e pechar continuamente, os traballadores para o ERTE outra vez", di Manuel Vázquez, hostaleiro.

Algúns acababan de reabrir os seus negocios, para a Semana Santa, e de novo teñen que baixar a reixa.

"Pedimos calma e valentía nas decisións, sabemos que hai que conter o virus, empezar a abrir con certa seguridade para ver o futuro con certa alegria", engade o chef Xabier Olleros.

De novo as xuntanzas familiares están no foco dos contaxios. A vila sumou 40 casos en só dúas semanas.

"Estabamos en cero positivos". "Somos nós, que nos xuntamos, non somos prudentes".

A pesar da situación alguns prefiren pensar con optimismo.

"Intentar seguir aguantando, se podemos", subliña o chef Xabier Olleros.

Resistir coa esperanza posta nas vacinas, confiando en que traerán a calma de cara ao verán.